Vestfirskir verktakar hljóta C - Vottun

Vestfirskir verktakar hlutu á dögunum C - gæðavottun hjá Samtökum Iðnaðarins.

Fyrirtækið hefur vaxið og dafnað frá stofnun þess í október 2003. Verkefnin hafa orðið sífellt fjölbreyttari og umfangsmeiri. 

Vestfirskir verktakar hafa m.a. byggt grunnskóla, breytt gömlu þurrkverkunarhúsi í menningarhús, byggt virkjanir, brýr og gangnamunna. Helstu verkefnin um þessar mundir eru bygging tengivirkis fyrir Landsnet og bygging 2300 m2 hjúkrunarheimilis fyrir Ísafjarðarbæ.  Í upphafi tók fyrirtækið að innleiða gæðakerfi að ósk verkkaupa en á því hefur orðið mikill viðsnúningur. Núna vinna Vestfirskir verktakar eftir gæðakerfi vegna þess að það er fyrirtækinu til mikilla hagsbóta og vinna eftir gæðakerfinu burtséð frá því hvort verkkaupi gerir kröfu um slíkt eða ekki.

"Hjúkrunarheimilið Eyri á Ísafirði"

Vestfirskir verktakar voru lægstir við opnun tilboða í hjúkrunarheimilið
Eyri á Ísafirði. Eftirfarandi tilboð bárust í verkið, þar
af eitt frávikstilboð: Byggingarfélag Borgfirðinga bauð 641.425.038.-,
frávikstilboð 497.308.177.-, Geirnaglinn 623.677.055.- og Vestfirskir verktakar
464.930.498.-. Kostnaðaráætlun verkkaupa hljóðaði uppá 427.834.972.-

Nýtt tengivirki á Skeið 7, Ísafirði

Þann 25. júní s.l. undirritaði Landsnet verksamning við Vestfirska verktaka um byggingu nýs tengivirkis. Verkefnið felst í byggingu nýs 66 kv tengivirkis á Ísafirði til að leysa af hólmi tengivirki í Stórurð sem færa þarf vegna fyrirhugaðs ofanflóðavarnargarðs. Núverandi tengivirki er byggt á lélegri uppfyllingu og hefur byggingin sigið verulega auk þess sem bæði bygging og búnaður eru frá árinu 1980 og þarfnast endurnýjunar.

Tekið af Landsnet.is

Samið verði við Vestfirska verktaka

Þrjú tilboð bárust í uppsetningu stálþils, lagnir og þekju á Mávagarði sem boðið var út fyrir stuttu. Vestfirskir verktakar á Ísafirði áttu lægsta boð og hefur bæjarráð Ísafjarðarbæjar lagt til að gengið verði til samninga við fyrirtækið, að uppfylltum hæfniskröfum og samkvæmt innkaupareglum sveitarfélagsins.

Verkinu á að vera lokið eigi síðar en 1. október. Kostnaðaráætlun Siglingastofnunar hljóðaði upp á 31.681.960 krónur og var tilboð Vestfirskra verktaka 89,8% af þeirri upphæð, eða 28.463.984 krónur. Aðrir sem lögðu inn tilboð voru Geirnaglinn ehf og Íslenska gámafélagið ehf., sem bæði voru töluvert yfir kostnaðaráætlun.

Olíutankar Olíudreifingar verða settir upp á Mávagarði, en farg var sett á lóðina síðasta haust og hefur bærinn fylgst með sigi landsins síðan.

Tekið af bb.is