Hér má finna tengil á beina útsendingu á Youtube síðu Strandabyggðar frá sveitarstjórnarfundi 1336, í dag kl 16.  Upptakan ætti svo að verða aðgengileg á síðunni fljótlega.

Kveðja
Þorgeir Pálsson
oddviti

Viðtalstími sýslumanns  

 

Sýslumaðurinn á Vestfjörðum, Jónas B. Guðmundsson, verður til viðtals á skrifstofu  embættisins á Hólmavík
milli kl. 10:00 og 12:00 föstudaginn 16. september nk.

Ef óskað er viðtals látið vita á skrifstofunni á Hólmvík í s. 458 2453 eða í netfangið jg@syslumenn.is.

Fundur nr. 1336 í sveitarstjórn Strandabyggðar verður haldinn þriðjudaginn 13. september kl. 16.00 í Hnyðju Höfðagötu 3, Hólmavík.

Fundardagskrá er svohljóðandi:

1. 6 mánaða uppgjör Strandabyggðar
2. Forsendur fjárhagsáætlunar 2023-2026, bréf frá Sigurði Á. Snævarr
3. Viðauki IV
4. Stjórnsýsluskoðun Strandabyggðar
5. Reglur um fjárhagsaðstoð barnaverndarnefndar
6. Sameiginlegt umdæmisráð barnaverndar
7. Endurreikningur á launum sveitarstjóra og sveitarstjórnarmanna v. vísitöluútreiknings þingfararkaups
8. Sameiningarviðræður við önnur sveitarfélög
9. Siðareglur fyrir kjörna fulltrúa í Strandabyggð
10. Reglur um refa- og minkaveiði
11. Erindi frá Þórdísi Karlsdóttur um leyfi frá nefndarstörfum
12. Fulltrúi og varamaður í fulltrúaráð umhverfisvottunar Vestfjarða

...
Meira

 

Um er að ræða eftirfarandi íbúðir:

Lækjartún 20. Íbúðin er 61,5 m2 og er laus frá 15. september nk. Í íbúðinni er 1 svefnherbergi og sameignlegt rými fyrir eldhús og stofu. Einnig er geymsla í íbúðinni.

Lækjartún 18. Íbúðin er 87,8 m2 og er laus frá 15. október nk. Í íbúðinni eru 2 svefnherbergi, eldhús, stofa og geymsla.

Umsóknum skal skilað á skrifstofu Strandabyggðar að Hafnarbraut 25 eða á netfangið strandabyggd@strandabyggd.is. Umsóknarfrestur er til kl. 12:00 á hádegi föstudaginn 16. september nk.

Allar frekari upplýsingar eru veittar á skrifstofu Strandabyggðar á opnunartíma, 10:00-14:00 eða í síma 451-3510.

 

Reglur um útleigu á íbúðarhúsnæði í eigu sveitarfélagsins Strandabyggðar

Samþykktar í sveitarstjórn Strandabyggðar 21. júní 2011

1. Strandabyggð getur leigt út íbúðarhúsnæði í eigu sveitarfélagsins, bæði tímabundið og ótímabundið. Gerðir eru skriflegir samningar við leigutaka og er miðað við þriggja mánaða uppsagnarfrest af beggja hálfu. Heimilt er að tengja leigugjald við vísitölu. Leigugjald skal taka mið af verði á almennum markaði á svæðinu og jafnframt stærð, aldri, gerð og ástandi húsnæðis.
2. Sveitarfélagið áskilur sér rétt til að breyta leiguverði samkvæmt ákvörðun sveitarstjórnar. Tilkynna skal leigutökum um slíkt áður en breytingin tekur gildi með þriggja mánaða fyrirvara.
3. Sveitarstjórn getur tekið ákvörðun um að selja leiguíbúðir og íbúðarhús í eigu sveitarfélagsins. Skylt er að tilkynna leigutaka um slíka ákvörðun þegar hún liggur fyrir.
4. Þegar íbúðarhúsnæði losnar er meginregla að það tiltekna húsnæði skuli auglýst opinberlega til leigu og óskað eftir umsóknum. Þeir sem þegar hafa lýst yfir áhuga á leiguhúsnæði í eigu sveitarfélagsins þurfa að endurnýja umsókn sínar hverju sinni. Miða skal við að auglýsing sé uppi á viðteknum stöðum í sveitarfélaginu og jafnframt birt á vef Strandabyggðar í að minnsta kosti 10 daga áður en umsóknarfrestur rennur út. Í einstökum tilfellum getur sveitarstjórn vegna sérstakra aðstæðna tekið formlega ákvörðun um að fyrirkomulag sé annað.
5. Áður en íbúðarhúsnæði í eigu sveitarfélagsins er úthlutað til leigu skal leita eftir umsögn félagsmálastjóra Stranda og Reykhólahrepps um hvort þörf sé fyrir úthlutun þess á grundvelli félagslegra aðstæðna og sjónarmiða.
6. Sveitarstjórn skal á fundi sínum fjalla um og úthluta leiguíbúðum samkvæmt fyrirliggjandi umsóknum með hliðsjón af aðstæðum umsækjenda.
7. Fara skal með umsóknir sem trúnaðarmál

Staða leikskólakennara
Auglýst er staða leikskólakennara, almennt starf á deild. Starfshlutfall er 100% og vinnutíminn frá 8:00-16:00. Æskilegt að viðkomandi geti hafið störf sem fyrst.

Leikskólinn Lækjarbrekka tilheyrir sameinuðum leik-, grunn- og tónskóla í Strandabyggð og starfar samkvæmt lögum og reglugerðum um leikskóla. Uppeldisstefnan er jákvæður agi, skólinn er grænfánaskóli og unnið er að innleiðingu heilsueflandi skóla.

 Menntunar og hæfniskröfur:

• Kennaramenntun, leyfisbréf og hæfni til kennslu í viðeigandi skólagerð

• Góð íslenskukunnátta

• Áhugi, reynsla og hæfni í starfi með börnum

• Jákvæðni, frumkvæði og góður samstarfsvilji

• Lipurð og hæfni í mannlegum samskiptum

• Frumkvæði, sjálfstæði og sveigjanleiki í vinnubrögðum

• Reglusemi og samviskusemi

• Hreint sakavottorð

Laun eru samkvæmt samningum Sambands íslenskra sveitarfélaga og Kennarasambands Íslands.

Umsóknarfrestur er til 15. september 2022.

Hrafnhildur Guðbjörnsdóttir skólastjóri gefur upplýsingar um starfið og tekur á móti umsóknum ásamt ferilskrá, afriti leyfisbréfa og upplýsingum um meðmælendur netfang skolastjori@strandabyggd.is