« 1 af 4 »

Dagskrá Náttúrubarnahátíðar á Ströndum

Það verður mikið fjör á Ströndum helgina 14.-16. júlí. Þá verður haldin árleg Náttúrubarnahátíð á Sauðfjársetrinu, sem er skammt sunnan við Hólmavík. Að venju verður þar fjölbreytt og skemmtileg dagskrá, en um er að ræða fjölskylduhátíð þar sem börn og fullorðnir fá tækifæri til að finna eða rækta sitt innra náttúrubarn. Á dagskránni eru bæði útivist, fróðleikur, smiðjur og listviðburðir. Ókeypis aðgangur er að hátíðinni og öllum viðburðum.

Það er einnig frítt fyrir hátíðargesti að gista í tjaldi á Kirkjubóli sem er rétt hjá Sævangi en það er ekki eiginlegt tjaldstæði og ekki aðgangur að rafmagni. Það er frábært tjaldsvæði á Hólmavík þar sem er rafmagn og ýmsir gististaðir í nágrenninu.

Veitingasala er á Sauðfjársetrinu (Kaffi Kind) alla helgina og er þar nóg úrval af allskonar réttum bæði fyrir grænkera og aðra.

Hátíðin er styrkt af Uppbyggingasjóði Vestfjarða og Orkubúi Vestfjarða.

Dagskrána má sjá hér fyrir neðan:

Föstudagur 14. júlí
17:30 Fjölskyldu gönguferð í fjörunni lagt af stað frá hátíðarsvæðinu í Sævangi
18:30 Setning hátíðarinnar og veðurgaldur
18:30 Hægt að kaupa súpu og grillaðar pylsur (grænmetis og ekki) í Sævangi
19:00 Mögnuð töfrasýning Ingó Geirdal
20:00 Spennandi Náttúrubarnakviss

Laugardagur 15. júlí
12:00 Núvitundarævintýri með Kyrrðarkrafti
13:00 Tröllarölt með tröllinu Tufta Túnfæti
13:10 Náttúrufjör: Bogfimi, Strandahestar, eldsmiðja, kajakar, náttúrubingó, steinastöð frá Náttúruminjasafni Íslands, jurtalitun og fjör frá Eiríksstöðum, skrifað með fjöðrum, opið hús í tilraunastofunni, ísbjarnasögur á sviðinu, grillaðar pylsur og fleira
14:30 ÞYKJÓ Blómasmiðja: Fjölskyldur rækta sín eigin blóm úr ullarafgöngum
16:30 Flugdrekasmiðja með Arite Fricke: Gerðu eða skreyttu þinn eigin flugdreka úr notuðum bókum
17:30 Fuglafjör: Trítlað um teistuvarpið
18:00 Hægt að kaupa grillaðar pylsur og súpu í Sævangi
20:00 Stórskemmtileg kvöldvaka og tónlist með Gunna og Felix
21:00 Drauga- og tröllasögur í Sagnahúsinu

Sunnudagur 16. júlí
12:00 Náttúrujóga með Önnu á Galdrasýningunni
12:00 Hægt að kaupa grillaðar pylsur og súpu í Sævangi

13:00 Benedikt Búálfur og Dídí koma í heimsókn
13:30 Skemmtileg náttúru skúlptúrasmiðja með Ingrid Ogenstedt
15:00 Fjölskylduplokk

„Strandabyggð gerir hér með verðfyrirspurn varðandi málun á  Grunnskóla Hólmavíkur.

Um er að ræða efri hæð yngri hluta skólans auk anddyris og tveggja skólastofa í eldri hluta.

VERKÍS hefur gert verklýsingu og magnskrá og eru þessi gögn aðgengileg hér og skulu fyrirspurnir sendar á strandabyggd@strandabyggd.is   Áhugasamir geta einnig haft samband við Sigurð Marinó Þorvaldsson, forstöðumann áhaldahúss, í síma 894-4806, eða á netfangið siggimarri@strandabyggd.is

Tilboðum skal skilað inn á skrifstofu Strandabyggðar eða á netfangið strandabyggd@strandabyggd.is, merkt „grunnskóli – málun“, fyrir kl 16, mánudaginn 24. júlí n.k.

Strandabyggð áskilur sér rétt til að taka þeim tilboðum sem metin eru hagstæðust eða hafna öllum.

Allar frekari upplýsingar veitir Sigurður Marinó í síma 894-4806“

Sveitarfélagið Strandabyggð gerir hér með verðfyrirspurn vegna skólamötuneytis

• Um er að ræða eldun skólamáltíða fyrir um 40 nemendur grunnskóla Hólmavíkur og um 20 nemendur leikskólans Lækjarbrekku, samkvæmt yfirliti á hverjum tíma
• Um er að ræða heitar og kaldar máltíðir alla skóladaga.  Taka skal mið af manneldismarkmiðum Manneldisráðs og ráðleggingum Lýðheilsustöðvar um innihald matar og uppsetning matseðils
• Starfsmenn sem vilja kaupa mat, gera um það samkomulag við matráð
• Afhenda skal máltíðir mánudaga til og með föstudaga. Matur skal sóttur af starfsfólki sveitarfélagsins.  Starfsmenn grunnskóla sjá einnig um skil á áhöldum og hitakössum
• Áherslur í matseðli skulu vera: 
  • Í hádegi sé heit máltíð í boði, amk fjóra daga vikunnar, en köld máltíð ekki oftar en einu sinni í viku; t.d. grautur eða súpa eða köld brauðmáltíð með mjólkurmat
  • Alltaf sé einhvers konar ávextir og/eða grænmeti í boði
  • Hugað sé að magni fitu, próteins, sykurs, og annara kolvetna í samræmi við manneldismarkmið þegar hráefni til matargerðar er valið
  • Sykur og fituríkan mat ætti að nota mjög hóflega
  • Grófkorna brauð sé notað fremur en fínt
  • Boðið verði upp á fisk, amkl tvisvar í viku og þá frekar að notast við ferskan fisk
  • Reyktan og saltan mat ætti að hafa mjög sjaldan á borðum og helst ekki oftar en tvisvar í mánuði.  Farsvörur og naggar séu sjaldnar á boðstólum en einu sinni í viku
  • Sveitarfélagið leggur áherslu á að nýta hráefni úr heimabyggð eins og kostur er.
• Almennt skal styðjast við leiðarvísi Landlæknis um um fæðuval og áherslur í matarframboði.

• Allar nánari upplýsingar veitir skrifstofa Strandabyggðar.  Tilboðum skal skila til skrifstofu Strandabyggðar á netfangið strandabyggd@strandabyggd.is merkt „Skólamatur, 2023-2024“ fyrir miðnætti 21.7.23
• Strandabyggð áskilur sér rétt til að taka því tilboði sem metið er hagstæðast eða hafna öllum.

Þýsk-íslenska víóludúósið Duo Borealis, verður á ferð um Vesturland dagana 13.-15. júlí nk með tónleikaröð fyrir tvær víólur og hús þar sem þau fara með áheyrendur í ferðalag um hljóðheim víólunnar í einstökum hljómburði Akranesvita, Vatnasafnsins í Stykkishólmi og Síldarverksmiðjunnar á Djúpuvík. 

Hér hlekkur á viðburð tónleikanna í Síldarverksmiðjunni en þeir verða að kvöldi 15. júlí og hefjast kl 21:15. Aðgangur er ókeypis. https://fb.me/e/4yPV7XQZS

Í viðburðinum eru nánari upplýsingar um tónleikana, efnisskrá og flytjendur.

Lýðskólinn á Flateyri

• Svo miklu meira en bara skóli

Viltu stunda nám án áherslu á einingar og próf? Taka frá heilan vetur til prófa hvað í þér býr? Viltu velja þér ný viðfangsefni við nýjar aðstæður með nýjum vinum?

Lýðskólinn á Flateyri auglýsir eftir umsóknum einstaklinga sem langar að efla sig og þroskast í nánu samneyti við náttúruna og samfélagið í vestfirsku þorpi. Kennsla hefst í september 2023. Umsóknir fara fram á vefsvæði skólans www.lydflat.is þar sem nálgast má upplýsingar um skólann, kennara og námsframboð. Þá má nálgast kynningarefni á Instagram síðu. Tenglar á þessar síður er að finna á www.lydflat.is

Opið er fyrir umsóknir og afgreiðsla þeirra er þegar hafin. Umsóknir eru afgreiddar jafnóðum og þær berast.

Umsækjendur eru hvattir til að sækja um sem fyrst til að auka líkur á inntöku. Það er takmarkað pláss á hverri önn, fyrstir koma, fyrstir fá. Ef nemendur sækja um og það er þegar orðið fullt er þeim boðið að vera á biðlista og/eða fá pláss á næstu önn.

Hver sem náð hefur 18 ára aldri við upphaf námsannar getur sótt um skólavist við Lýðskólann á Flateyri. Við leitum eftir nemendum sem eru áhugasamir, viljugir og tilbúnir til að taka þátt, deila ábyrgð og prófa eitthvað nýtt.

• Svo miklu meira en bara skóli

Viltu stunda nám án áherslu á einingar og próf? Taka frá heilan vetur til prófa hvað í þér býr? Viltu velja þér ný viðfangsefni við nýjar aðstæður með nýjum vinum?

Lýðskólinn á Flateyri auglýsir eftir umsóknum einstaklinga sem langar að efla sig og þroskast í nánu samneyti við náttúruna og samfélagið í vestfirsku þorpi. Kennsla hefst í september 2023. Umsóknir fara fram á vefsvæði skólans www.lydflat.is þar sem nálgast má upplýsingar um skólann, kennara og námsframboð. Þá má nálgast kynningarefni á Instagram síðu. Tenglar á þessar síður er að finna á www.lydflat.is

Opið er fyrir umsóknir og afgreiðsla þeirra er þegar hafin. Umsóknir eru afgreiddar jafnóðum og þær berast.

Umsækjendur eru hvattir til að sækja um sem fyrst til að auka líkur á inntöku. Það er takmarkað pláss á hverri önn, fyrstir koma, fyrstir fá. Ef nemendur sækja um og það er þegar orðið fullt er þeim boðið að vera á biðlista og/eða fá pláss á næstu önn.

Hver sem náð hefur 18 ára aldri við upphaf námsannar getur sótt um skólavist við Lýðskólann á Flateyri. Við leitum eftir nemendum sem eru áhugasamir, viljugir og tilbúnir til að taka þátt, deila ábyrgð og prófa eitthvað nýtt.