Vestfirskir verktakar undirrituðu á dögunum samning um sölu á þriðju íbúðinni að Skógarbraut 3 og 3a í Bræðratungu. Tvær íbúðir hafa verið afhentar er eftir er að ganga frá fimm íbúðum í húsunum tveimur í Bræðratungu. Þær eru á bilinu 90 til 150 fermetrar að stærð og eru óseldar.

Mikill áhugi er á íbúðunum, að sögn Hermanns Þorsteinssonar hjá Vestfirskum verktökum, en verðmæti þeirra fer mikið eftir því á hvaða stigi fólk vill taka við þeim. Skógarbraut 3 og 3a eru í hlíðinni ofan við golfvöllinn, og var þar rekið sambýli og þjónustumiðstöð fyrir fatlaða í tvo áratugi, en verktakar hafa unnið að breytingum á húsinu um nokkurt skeið.

(Tekið af bb.is)